Златевски, Бошкоски и Феревски на силен турнир во Мароко

На покана од шампионот на Мароко, A.S. Sale, тројца судии од нашата организација ја имаа честа да судат на силен меѓународен турнир на кој учествуваа две екипи од Мароко, шампионот на Тунис, екипа од Литванија, екипа од Франција и шампионот на Македонија - Фени Индустри.
Нашите судии Златевски Зоран, Бошкоски Горан и Феревски Алија судеа во текот на целиот турнир (8-13 февруари). На крајот од турнирот, го судеа натпреварот за третото место меѓу домашната и екипата од Тунис, додека македонскиот претставник Фени Индустри играше во финалето против францускиот Paris Levalois, и го загуби натпреварот со 7 поени разлика.

Општ впечаток е дека македонските претставници се претставија во многу добро светло, за што сведочат поканите за вакви и слични спортски манифестации во иднина...

Учеството на турнирот се реализираше со посредство на менаџерската агенција Global Sports Plaza ( http://www.globalsportsplaza.com )