IN MEMORIAM - Зоран Златевски (1965-2012)

Со огромна тага ги известуваме сите членови дека утрово околу 04.00 часот, почина еден од најистакнатите македонски судии со знакот на ФИБА, колегата Зоран Златевски.

Својата кариера на кошаркарски судија ја започнал на 18-годишна возраст. Истакнувајќи се како еден од најперспективните судии во тогашна Југославија, по осамостојувањето на Македонија е еден од водечките судии, кој во 1995 ја понесе и значката на ФИБА.

Судеше натпревари од домашното најквалитетно првенство, Јадранската лига, Балканската лига и секако лигите во организација на ФИБА.

Неколку пати е наградуван за најдобар судија во Македонија, има добиено бројни признанија во регионот и признание од ФИБА за долгогодишна посветеност на кошарката.

Болеста со која се бореше последните 2-3 години не го одвои од кошаркарските терени. Напротив. Зоки со истиот елан, посветеност и професионален однос им пристапуваше на натпреварите од домашното првенство и натпреварите надвор од него.

Македонската кошарка прерано се збогува со еден од своите најистакнати современици...

Погебот ќе биде извршен на Градските гробишта Бутел, во сабота 18ти август со почеток од 12.00 часот.

Судиската организација на град Скопје сочуствува со семејството, пријателите, неговите блиски... 

Слава му!!